Get Adobe Flash player

ນະຄອນຫຼວງວຽງຈັນ

Jan 28, 2021 - Thu
Vientiane, LA
28°C
clear sky
clear sky
3 m/s, SE
54%
762.07 mmHg
thu01/28 fri01/29 sat01/30 sun01/31 mon02/01
clear sky
28/21°C
clear sky
27/21°C
clear sky
30/22°C
few clouds
30/23°C
clear sky
32/24°C

ຫຼວງພະບາງ

Jan 28 - Thu
Vientiane, LA
28°C clear sky
Day Cond. Temp.
thu 01/28
clear sky
28/21°C
fri 01/29
clear sky
27/21°C
sat 01/30
clear sky
30/22°C
sun 01/31
few clouds
30/23°C
mon 02/01
clear sky
32/24°C

ຈຳປາສັກ

Jan 28 - Thu
Vientiane, LA
28°C clear sky
Day Cond. Temp.
thu 01/28
clear sky
28/21°C
fri 01/29
clear sky
27/21°C
sat 01/30
clear sky
30/22°C
sun 01/31
few clouds
30/23°C
mon 02/01
clear sky
32/24°C

ກົມກວດກາປ່າໄມ້ ແລະ ອົງການ WWF-Laos ສະຫຼຸບວຽກງານໂຄງການສະໜັບສະໜູນວຽກງານບັງຄັບໃຊ້ກົດໝາຍ ເພື່ອສະກັດກັ້ນການຄ້າ-ຂາຍສັດປ່າ ທີ່ຜິດກົດໝາຍ.

ກົມກວດກາປ່າໄມ້ ແລະ ອົງການ WWF-Laos ສະຫຼຸບວຽກງານໂຄງການສະໜັບສະໜູນວຽກງານບັງຄັບໃຊ້ກົດໝາຍ ເພື່ອສະກັດກັ້ນການຄ້າ-ຂາຍສັດປ່າ ທີ່ຜິດກົດໝາຍ.
ວັນທີ 30 ພະຈິກ 2020 ທີ່ ເມືອງວັງວຽງ ແຂວງວຽງຈັນ #ກົມກວດກາປ່າໄມ້, ກະຊວງກະສິກໍາ ແລະ ປ່າໄມ້ ແລະ ອົງການກອງທຶນອະນຸຮັກທໍາມະຊາດໂລກ ປະຈໍາລາວ (WWF-Laos) ໄດ້ຈັດກອງປະຊຸມສະຫຼຸບຜົນໄດ້ຮັບການຈັດຕັ້ງປະຕິບັດກິດຈະກໍາໂຄງການ ສະໜັບສະໜູນການບັງຄັບໃຊ້ກົດໝາຍເພື່ອຕ້ານ ແລະ ສະກັດກັ້ນການຄ້າ-ຂາຍສັດປ່າ ທີ່ຜິດກົດໝາຍ ແລະ ການຮ່ວມມືກັບປະເທດເພື່ອນບ້ານ, ລະຫວ່າງເດືອນມີນາ 2019 ຫາ ເດືອນ ມິຖຸນາ 2020.
ໃຫ້ກຽດເປັນປະທານກອງປະຊຸມໂດຍທ່ານ ນາງ ຫຼອມຄໍາ ແສງຈັນອຸດົມ ຮອງຫົວໜ້າກົມກວດກາປ່າໄມ້ ແລະ ທ່ານ ຄໍາຄູນ ຂຸນບູລິນ ຕາງໜ້າຈາກອົງການ WWF-Laos.
ກອງປະຊຸມໃນຄັ້ງນີ້ ທາງເຄື່ອຂ່າຍບັງຄັບໃຊ້ກົດໝາຍສັດນໍ້າ-ສັດປ່າ ໂດຍສະເພາະຈາກແຂວງທີ່ນອນຢູ່ໃນໂຄງການ (ແຂວງບໍ່ແກ້ວ, ຫຼວງນໍ້າທາ, ອຸດົມໄຊ ແລະ ນະຄອນຫຼວງວຽງຈັນ) ໄດ້ລາຍງານຜົນສໍາເລັດ, ຂໍ້ຫຍຸ້ງຍາກ ແລະ ຂໍ້ຄົງຄ້າງ ຕໍ່ວຽກງານບັງຄັບໃຊ້ກົດໝາຍວ່າດ້ວຍສັດນໍ້າ-ສັດປ່າ ດັ່ງກ່າວ ຕໍ່ທີ່ກອງປະຊຸມ.
ນອກນັ້ນກົມກວດກາປ່າໄມ້ ແລະ ອົງການ WWF-Laos ຊຶ່ງເປັນຄູ່ຮ່ວມງານຫຼັກ ຕໍ່ການຈັດຕັ້ງປະຕິບັດໂຄງການດັ່ງກ່າວ ໄດ້ສັງລວມໂດຍຫຍໍ້ ຕໍ່ຜົນສໍາເລັດຂອງໂຄງການທີ່ພົ້ນເດັ່ນ ຕາມຂ້າງລຸ່ມນີ້:
🐘 ໄດ້ສະໜັບສະໜູນສ້າງຄວາມອາດສາມາດໃນວຽກງານບັງຄັບໃຊ້ກົດໝາຍ ວ່າດ້ວຍສັດນໍ້າ-ສັດປ່າ ໃຫ້ຫຼາຍກວ່າ 100 ເຈົ້າໜ້າທີ່ ໂດຍສະເພາະແມ່ນເຈົ້າໜ້າທີ່ກົມກວດກາປ່າໄມ້ ແລະ ເຄື່ອຂ່າຍບັງຄັບໃຊ້ກົດໝາຍ ສັດນໍ້າ-ສັດປ່າ ຂັ້ນແຂວງ ໃນໂຄງການ;
🦌 ໄດ້ສະໜັບສະໜູນເຈົ້າໜ້າທີ່ເຂົ້າຝຶກອົບອົມ ຫຼາຍກວ່າ 80 ທ່ານ ເພື່ອແລກປ່ຽນບົດຮຽນກັບປະເທດເພື່ອນບ້ານ ກ່ຽວກັບຂອດປະສານງານດ້ານການບັງຄັບໃຊ້ກົດໝາຍຕໍ່ອາສະຍາກໍາສັດປ່າ ລະຫວ່າງ;
🦜 ເຈົ້າໜ້າທີ່ເຄື່ອຂ່າຍບັງຄັບໃຊ້ກົດໝາຍສັດນໍ້າ-ສັດປ່າໄດ້ລົງກວດກາ ເພື່ອຄົ້ນຫາການລັກລອບຄ້າ-ຂາຍສັດປ່າທີ່ຜິດກົດໝາຍ ໄດ້ທັ້ງໝົດຫຼາຍກ່ວາ 200 ຄັ້ງ ກວມເອົາເກືອບ 400 ແຫ່ງ;
🐅 ເຈົ້າໜ້າທີ່ສາມາດຍຶດຜະລິດຕະພັນທີ່ເຮັດຈາກຊິ້ນສ່ວນສັດປ່າ ແລະ ຊາກສັດປ່າ ທີ່ຜິດກົດໝາຍທັງໝົດ ຫຼາຍກ່ວາ 3,400 ກິໂລ;
🦝 ສໍາເລັດການເຜີຍແຜ່-ໂຄສະນາກຽວກັບກົດໝາຍວ່າດ້ວຍສັດນໍ້າ-ສັດປ່າ ຫຼາຍກ່ວາ 10 ຄັ້ງ ຕາມໂຮງຮຽນ, ຊຸມຊົນ ແລະ ອື່ນໆ, ພ້ອມຕິດຕັ້ງປ້າຍໂຄສະນາ ຫ້າມລ່າ ແລະ ຊື້-ຂາຍສັດປ່າ ໄດ້ທັ້ງໝົດ 18 ປ້າຍ ພ້ອມຜະລິດສື່ໂຄສະນາຕ່າງໆ ເປັນຕົ້ນແມ່ນໂປຣສເຕີ່ກຽວກັບສັດປ່າທີ່ຫວງຫ້າມ ແລະ ຂໍ້ກົດໝາຍ ພ້ອມບົດລົງໂທດ ຕໍ່ຜູ່ລະເມີດຂໍ້ຫ້າມ ຊຶ່ງໄດ້ນໍາໄປຕິດຕາມຕະຫຼາດ, ຫ້າງ-ຮ້ານ, ດ່ານສາກົນ ແລະ ສະຖານທີ່ອື່ນໆ ຫຼາຍກວ່າ 1,000 ອັນ.
Facebook Comments

ກອງກວດກາປ່າໄມ້ແຂວງ ບໍ່ແກ້ວ ໄດ້ຈັດເຝິກອົບຮົມ ກ່ຽວກັບ ເຕັກນິກວຽກງານການສືບສວນ-ສອບສວນ ຂອງເຈົ້າໜ້າທີ່ປ່າໄມ້ ແລະ ເຄືອຂ່າຍບັງຄັບໃຊ້ກົດໝາຍ ຂັ້ນແຂວງແລະ ຂັ້ນເມືອງ.

ໃນຄັ້ງວັນທີ່ 30 ພະຈິກ – 01 ທັນວາ 2020. ກອງກວດກາປ່າໄມ້ແຂວງ ບໍ່ແກ້ວ ໄດ້ຈັດຝຶກອົບຮົມ ກ່ຽວກັບ   ວຽກງານການສືບສວນ-ສອບສວນ ຢູ່ທີ່ຫ້ອງປະຊຸມ ຂອງພະແນກກະສິກໍາ ແລະ ປ່າໄມ້ ໂດຍການເປັນປະທານຮ່ວມ ຂອງທ່ານ ອິນຖະໜອມ ໄຊວິທູນ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງບໍ່ແກ້ວ ແລະ ທ່ານ ເລ່ ວົງເພັດ ຮອງຫົວໜ້າພະແນກສືບສວນ-ສອບສວນ, ກົມກວດກາປ່າໄມ້  ກະຊວງກະສິກໍາ ແລະ ປ່າໄມ້, ພ້ອມກັນນີ້ ກໍ່ມີຕ່າງໜ້າຈາກ ເຈົ້າໜ້າທີ່ທະຫານ, ເຈົ້າໜ້າທີ່ຕໍາຫຼວດສິ່ງແວດລ້ອມ, ເຈົ້າໜ້າທີ່ພາສີ ແລະ ເຈົ້າໜ້າທີ່ອົງການໄອຍະການ ເຂົ້າຮ່ວມ.

ການຝຶກອົບຮົມໃນເທື່ອນີ້ ມີຄວາມໝາຍຄວາມສໍາຄັນ ແລະ ເປັນໂອກາດທີ່ດີ ເພື່ອເພີ່ມຄວາມຮູ້ ແລະ ຄວາມສາມາດໃຫ້ແກ່ເຈົ້າໜ້າທີ່ປ່າໄມ້ ແລະ ເຄືອຂ່າຍບັງຄັບໃຊ້ກົດໝາຍ ຂັ້ນແຂວງ ແລະ ຂັ້ນເມືອງ ທີ່ເປັນຜູ້ຮັບຜິດຊອບໃນວຽກງານການສືບສວນ-ສອບສວນ, ເປັນການແລກປ່ຽນຄວາມຮູ້ ແລະ ນຳໄປໝູນໃຊ້ເຂົ້າໃນການປະຕິບັດວຽກງານຂອງຕົນຢ່າງມີປະສິດທິຜົນສູງສຸດ ໂດຍສະເພາະການສ້າງຄວາມຮັບຮູ້ຄວາມເຂົ້າໃຈກ່ຽວກັບລະບຽບກົດໝາຍວ່າດ້ວຍກົດໝາຍປ່າໄມ້ ແລະ ກົດໝາຍວ່າດ້ວຍສັດນໍ້າສັດປ່າ., ແລະ ລະບຽບການທີ່ກ່ຽວຂ້ອງ ລວມທັງສິດໃນການດໍາເນີນຄະດີອາຍາ ໃຫ້ແກ່ຜູ້ກະທໍາຜິດກົດໝາຍ.

ພ້ອມກັນນັ້ນ, ທາງກົມກວດກາປ່າໄມ້ ກໍ່ໄດ້ມອບ ເສື້ອປົກສໍານວນຄະດີ, ປຶ້ມຄູ່ມືການສືບສວນ-ສອບສວນ ແລະ ປື້ມກົດໝາຍປ່າໄມ້ສະບັບປັບປຸງໃໝ່ ໃຫ້ແກ່ກອງກວດກາປ່າໄມ້ແຂວງ ບໍ່ແກ້ວ.

Facebook Comments

ກົມກວດກາປ່າໄມ້, ກະຊວງ ກະສິກໍາ ແລະ ປ່າໄມ້ ເຜີຍແຜ່ວຽກງານຕ້ານການຟອກເງິນ ແລະ ສະຫນອງທຶນໃຫ້ແກ່ການກໍ່ການຮ້າຍ(AML/CFT)

ກົມກວດກາປ່າໄມ້ ໄດ້ຈັດຕັ້ງການເຜີຍແຜ່ວຽກງານຕ້ານການຟອກເງິນ ເເລະ ການສະໜອງທຶນໃຫ້ເເກ່ການກໍ່ການຮ້າຍ (AML/CFT) ແລະ ບັນດານິຕິກໍາທີ່ຕິດພັນ ໃນວັນທີ 19 ພະຈິກ 2020 ທີ່ ຫ້ອງປະຊຸມ ເຮືອນພັກຄຸນຊັບ ເມືອງ ແກ້ວອຸດົມ ແຂວງ ວຽງຈັນ, ໂດຍພາຍໃຕ້ການເປັນປະທານ ຂອງທ່ານ ນາງ ຫຼອມຄໍາ ແສງຈັນອຸດົມ ຮອງຫົວໜ້າກົມກວດກາປ່າໄມ້; ພ້ອມນີ້, ກໍ່ມີຄະນະພະແນກ ແລະ ວິຊາການຂອງກົມກວດກາປ່າໄມ້ ພ້ອມດ້ວຍນັກວິທະຍາກອນຈາກສຳນັກງານຂໍ້ມູນຕ້ານການຟອກເງິນ ທະນາຄານແຫ່ງ ສປປ ລາວ ເຂົ້າຮ່ວມ. ການເຜີຍແຜ່ວຽກງານຕ້ານການຟອກເງິນ ເເລະ ການສະໜອງທຶນໃຫ້ເເກ່ການກໍ່ການຮ້າຍ (AML/CFT) ແລະ ບັນດານິຕິກໍາທີ່ຕິດພັນໃນຄັ້ງນີ້ ໄດ້ນຳສະເໜີພາບລວມ; ການຈັດຕັ້ງປະຕິບັດວຽກງານໃນໄລຍະຜ່ານມາ; ການກະກຽມການປະເມີນຜົນຮອບດ້ານວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ; ດຳລັດວ່າດ້ວຍຄວາມຮັບຜິດຊອບ AML/CFT; ຄຳສັ່ງແນະນຳ ວ່າດ້ວຍການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ສະບັບເລກທີ 01/ຄຕຟງ, ລົງວັນທີ 08 ມັງກອນ 2020 ແລະ ແຜນວຽກໃນຕໍ່ໜ້າ. ການເຜີຍແຜ່ໃນເທື່ອນີ້ ມີຄວາມໝາຍຄວາມສໍາ ຄັນຍິ່ງ, ເປັນໂອກາດທີ່ດີ ເພື່ອເພີ່ມຄວາມຮູ້ ແລະ ຄວາມສາມາດໃຫ້ແກ່ເຈົ້າໜ້າທີ່ປ່າໄມ້ ທີ່ເປັນຜູ້ຮັບຜິດຊອບໃນການສືບສວນ-ສອບສວນ, ເປັນການແລກປ່ຽນຄວາມຮູ້ ແລະ ນຳໄປໝູນໃຊ້ເຂົ້າໃນການປະຕິບັດວຽກງານຂອງຕົນຢ່າງມີປະສິດທິຜົນສູງສຸດ ໂດຍສະເພາະການສ້າງຄວາມຮັບຮູ້ຄວາມເຂົ້າໃຈວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ແລະ ກົດໝາຍ, ລະບຽບການທີ່ກ່ຽວຂ້ອງ ໂດຍສະເພາະຄຳສັ່ງແນະນຳ ວ່າດ້ວຍ ການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ທີ່ຄະນະກຳມະການແຫ່ງຊາດ ເພື່ອຕ້ານການຟອກ ເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໄດ້ຮັບຮອງໃນຕົ້ນປີນີ້

Facebook Comments

ກອງປະຊຸມເພື່ອການທົບທວນຄືນກ່ຽວກັບການຈັດຕັ້ງປະຕິບັດວຽກງານການປະສານງານຂອງເຄື່ອຄ່າຍການບັງຄັບໃຊ້ກົດໝາຍ ສັດນ້ຳ-ສັດປ່າ ຂັ້ນແຂວງ (P-WEN)

ໃນ​ລະ​ຫວ່າງວັນ​ທີ 19 ຫາ ວັນ​ທີ 20 ມີ​ນາ ປີ 2020 ໄດ້​ຈັດ​ກອງ​ປະ​ຊຸມ  ການ​ທົບ​ທວນ​ຄືນກ່ຽວ​ກັບການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ການ​ປະ​ສານ​ງານ​ຂອງ​ເຄື່ອ​ຄ່າຍ​ການ​ບັງ​ຄັບ​ໃຊ້​ກົດ​ໝາຍ ສັດ​ນ້ຳ-ສັດ​ປ່າ ຂັ້ນ​ແຂວງ (P-WEN) ທີ່​ເມື່ອງ​ນາ​ກາຍ, ແຂວງ​ຄຳ​ມ່ວນ ໂດຍ​ການ​ເປັນ​ປະ​ທານ​ຂອງ​ທ່ານ ນາງ ຫລອມ​ຄຳ ແສງ​ຈັນ​ອຸ​ດົມ, ຮອງ​ຫົວ​ໜ້າ​ກົມ​ກວດ​ກາ​ປ່າ​ໄມ້ ຊື່ງ​ມີ​ຈຳ​ນວນ​ຄົນ​ເຂົ້າ​ຮ່ວມ 68 ທ່ານ, ຍີງ 9 ທ່ານ ຊື່ງ​ມາ​ຈາກ​ພາກ​ສ່ວນ​ຕ່າງໆ ຄື: ພາກ​ສ່ວນ​ສູນ​ກາງ​ປະ​ກອບ​ມີ ກົມ​ກວດ​ກາ​ປ່າ​ໄມ້ ແລະ ຊ່ຽວ​ຊານ​ປະ​ຈຳ​ໂຄງ​ການ LENS2 ແລະ ພາກ​ສ່ວນ​ທີ່​ມາ​ຈາກກອງກວດ​ກາ​ປ່າ​ໄມ້, ອົງ​ການ​ໄອ​ຍະ​ການ​ປະ​ຊາ​ຊົນ, ​ພາ​ສີ​ແຂວງ, ​ພະ​ແນກຕຳ​ຫວດ​ສີ່ງ​ແວດ​ລ້ອມ, ໜ່ວຍກວດ​ກາ​ປ່າ​ໄມ່​ ຂອງ 9 ເມືອງ.

ຈຸດ​ປະ​ສົງ​ຂອງກອງ​ປະ​ຊຸມ:

  • ທົບ​ທວນ​ຂອງ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ() ໃນ​ໄລ​ຍະ​ຜ່ານ​ມາ
  • ສ້າງ​ແນວ​ທາງ​ຂອງ​ການ​ຈັດ​ຕັ້ງ​ປະ​ຕິ​ບັດ​ງານ​ການ​ບັງ​ຄັບ​ໃຊ້​ກົດ​ໝາຍ ສັດ​ນ້ຳ-ສັດ​ປ່າ
  • ກຳ​ນົດ​ລະ​ບຽບ​, ໂຄງ​ຮ່າງການ​ຈັດ​ຕັ້ງ, ພາ​ລະ​ບົດ​ບາດ ແລະ ໜ້າ​ທີ່​ຂອງ​ເຄືອ​ຄ່າຍ
  • ສ້າງ​ຄວາມ​ເຂັມ​ແຂວງ​ໃນ​ການ​ຈັດ​ຕັ້ງ​ປະ​ຕິ​ບັດ​ການ​ບັງ​ຄັບ​ໃຊ້​ກົດ​ໝາຍ ສັດ​ນ້ຳ-ສັດ​ປ່າ ພາຍ​ໃນ​ແຂວງ​ຄຳ​ມ່ວນ ແລະ ແຂວງ​ບໍ​ລິ​ຄຳ​ໃຊ

ສ້າງ​ບົດ​ແນະ​ນຳ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ ໃຫ້​ແກ່​ທີມ​ງານ( P-WEN) ແຂວງ​ຄຳ​ມ່ວນ ແລະ ແຂວງ​ບໍ​ລິ​ຄຳ​ໄຊ ເພື່ອ​ເປັນ​ການ​ທົດ​ລອງ​ໃນ​ການກວດ​ກາ​ແລະ​ປະ​ເມີນ​ຊ່ອງວ່າງ, ຈຸດ​ດີ ແລະ ຈຸດ​ອ່ອນ​ ເພື່ອ​ປັບ​ປຸງ​ການ​ປະ​ຕິ​ບັດ​ງານ​ຂອງ​ (P-WEN) ຂອງແຂວງ.

 

 

Facebook Comments

ການຝຶກອົບຮົມການນໍາໃຊ້ຖານຂໍ້ມູນ Crimeinfo ກ່ຽວກັບການບັງຄັບໃຊ້ກົດໝາຍວ່າດ້ວຍສັດນໍ້າ-ສັດປ່າ ແລະ ຊັບພະຍາກອນປ່າ ໄມ້ ໃຫ້ແກ່ເຈົ້າໜ້າທີ່ພາສີ ແລະ ຕຳຫຼວດສິ່ງແວດລ້ອມ

ຄະນະທີມງານ ຂໍ້​ມູນ​ຂ່າວ​ສານ (IMS) ຈາກກົມກວດກາປ່າໄມ້ ໄດ້ຈັດຝຶກອົບຮົມການນໍາໃຊ້ລະບົບຖານຂໍ້ມູນ Crimeinfo ໃຫ້ເຈົ້າໜ້າທີ່ ພາສີ, ຕຳຫຼວດສິ່ງແວດລ້ອມ, ເຈົ້າໜ້າທີ່ປ່າໄມ້ແຂວງວຽງຈັນ ແລະ ເຈົ້າໜ້າທີ່ກົມກວດກາປ່າໄມ້ ຊຶ່ງມີຜູ້ເຂົ້າຮ່ວມ ທັງໝົດ 23 ທ່ານ, ຍິງ 03 ທ່ານ, ໃນລະຫວ່າງວັນທີ 15-17 ທັນວາ 2019 ທີ່ທ່າລາດ ແຂວງວຽງຈັນ.

 

 

ຂຽນໂດຍ: ອຳຄາ

ກວດແກ້ໂດຍ: ທ່ານ ພູວົງ ແກ້ວປະເສີດ

ກົມກວດກາປ່າໄມ້, ວັນທີ 15 ມັງກອນ 2020

Facebook Comments

​ກອງ​ປະຊຸມທົບ​ທວນ​ການຈັດ​ຕັ້ງ​ປະຕິບັດ ​ບົດບັນທຶກ​ຄວາມ​ເຂົ້າ​ໃຈ ໄລຍະ 10 ປີ (2009-2019)ລະຫວ່າງ ກົມກວດກາປ່າໄມ້ ສປປ ລາວ ແລະ ກົມປ້ອງກັນປ່າໄມ້ ສສ ຫວຽດ​ນາມ

ກົມ​ກວດກາ​ປ່າ​ໄມ້, ກະ​ຊວງ​ກະ​ສິ​ກຳ ແລະ ປ່າ​ໄມ້ ສ​ປ​ປ ລາວ ​ໄດ້​ເປັນ​ເຈົ້າພາບ ຈັດ​ກອງ​ປະຊຸມທົບ​ທວນ​ການຈັດ​ຕັ້ງ​ປະຕິບັດ​ບົດບັນທຶກ​ຄວາມ​ເຂົ້າ​ໃຈ ໄລ​ຍະ 10 ປີ (2009-2019)  ລະຫວ່າງ ກົມກວດກາປ່າໄມ້ ສປປ ລາວ ແລະ ກົມປ້ອງກັນປ່າໄມ້ ສສ ຫວຽດ​ນາມ, ຊຶ່ງ​ໄດ້​ຈັດ​ຂຶ້ນ​ທີ່ ​ໂຮງ​ແຮມ ຫຼວງ​ພະ​ບາງວິວ, ນະ​ຄອນຫຼວງ​ພະ​ບາງ. ​ເຊິ່ງຜູ້ເຂົ້າ​ຮ່ວມ​ກອງ​ປະຊຸມ​ຄັ້ງ​ນີ້ ຄະນະ​ຜູ້​ແທນ​ຝ່າຍ​ລາວ​ປະກອບ​ມີ: ທ່ານ ນາງ ຫຼອມ​ຄຳ ແສງ​ຈັນ​ອຸ​ດົມ ຮອງ​ຫົວ​ໜ້າ​ກົມ​ກວດ​ກາ​ປ່າ​ໄມ້ ມີ​ບັນດາ​ຫົວໜ້າພະ​ແນ​ກການ​ອ້ອມຂ້າງ​ກົມ​ກວດກາ​ປ່າ​ໄມ້, ບັນດາ​ຫົວໜ້າກອງ, ຮອງ​ກອງ​ກວດກາ​ປ່າ​ໄມ້ ປະ​ຈຳ​ແຂວງທີ່​ມີ​ຊາຍ​ແດນ​ຕິດ​ກັບ ສສ ຫວຽດນາມ 10 ແຂວງ ຄື:  ແຂວງ ຜົ້ງ​ສາ​ລີ, ​ຫຼວງ​ພະ​ບາງ, ຫົວພັນ, ຊຽງຂວາງ, ບໍລິ​ຄໍາ​ໄຊ, ຄໍາມ່ວນ, ສະຫວັນ​ນະ​​ເຂດ, ​ສາລະ​ວັນ, ​ເຊ​ກອງ ​ແລະ ອັດ​ຕະປື, ຕາງ​ໜ້າ​ຈາກ​ຫ້ອງ​ການ​ພາ​ສີ ​ແຂວງ​ຫຼວງ​ພະ​ບາງ, ພິ​ເສດໄປກ່ວານັ້ນ ກອງ​ປະ​ຊຸມ​ຄັ້ງ​ນີ້ ຍັງມີ​ທ່ານ ສຸ​ກັນ ບຸນ​ຍົງ ຮອງ​ເຈົ້າ​ແຂວງ-ແຂວງ​ຫຼວງ​ພະ​ບາງ ກໍ່​ໃຫ້​ກຽດ​ເຂົ້າ​ຮ່ວມ ເປັນ​ປະ​ທານກອງ​ປະ​ຊຸມ. ສ່ວນຝ່າຍ​ຄະນະ​ຜູ້​ແທນຈາກ​ກົມປ້ອງ​ກັນ​ປ່າ​ໄມ້ ສສ ຫວຽດນາມ ແມ່ນນຳ​ພາ​ໂດຍ  ທ່ານ  ໂດກວາງ​ຕຸງ (Mr. Do Quang Tung) ຮັກ​ສາ​ການ ຫົວໜ້າກົມ​ປ້ອງ​ກັນ​ປ່າ​ໄມ້ ສ​ສ ຫວຽດ​ນາມ ​ເປັນ​ຫົວໜ້າຄະນະ, ຊຶ່ງປະກອບມີ ຫົວໜ້າ ແລະ ຮອງ​ຫົວໜ້າກອງ​ປ້ອງກັນ​ປ່າ​ໄມ້​ແຂວງ ​ທີ່​ມີ​ຊາຍ​ແດນ​ຕິດ​ກັບ​ລາວ​ ຊຶ່ງເຂົ້າ​ຮ່ວມມີ 03 ແຂວງ​ຄື:  ແຂວງແທັງ​ຫົວ, ​ຮ່າ​ຕິ້ງ ແລະ ແຂວງກອນ​ຕູມ.

ນອກ​ນັ້ນ,  ຍັງມີກົມຕິດຕາມ​ກາ​ນຄຸ້ມ​ຄອງ​ພາສີ, ກະຊວງ​ການ​ເງິນ ຂອງ ​ສ​ສ ຫວຽດນາມ​, ຕຳ​ຫຼວດ​ຊາຍ​ແດນ, ອົງ​ການ  GIZ and Forest Trends ເຂົ້າຮ່ວມ ແລະ ຜູ້​ຕາງໜ້າຈາກ ອົງການ WCS LAO,  WWF ຂອງ​ຝ່າຍ​ລາວ​ ແລະ ຝ່າຍ​ຫວຽດນາມ ​ເຂົ້າ​ຮ່ວມ ຊຶ່ງລວມຜູ້​ເຂົ້າ​ຮ່ວມ​ທັງໝົດ ມີ ຈໍານວນ 77 ທ່ານ.

ຂຽນໂດຍ: ອຳຄາ

ກວດແກ້ໂດຍ: ທ່ານ ພູວົງ ແກ້ວປະເສີດ

ກົມກວດກາປ່າໄມ້, ວັນທີ 13 ມັງກອນ 2020

Facebook Comments

ກອງ​ປະ​ຊູມ​​ປຶກ​ສາ​ຫາ​ລື ​​ວຽກ​ງານ​ການ​ດຳ​ເນີນ​ຄະ​ດີ ກ່ຽວກັບຊັບ​ພະ​ຍາ​ກອນ​ປ່າ​ໄມ້, ສັດ​ນ້ຳ ແລະ ສັດ​ປ່າ

ໃນວັນທີ 23-24 ທັນວາ 2019, ກົມກວດກາປ່າໄມ້ໄດ້ເປັນເຈົ້າພາບຈັດກອງປະຊຸມລະດັບສູງສໍາລັບ 5 ຂະແໜງການທີ່ຮັບຜິດຊອບການປະຕິບັດການບັງຄັບໃຊ້ກົດໝາຍສັດນໍ້າ ແລະ ສັດປ່າ ໂດຍການເປັນປະທານກອງປະຊຸມຮ່ວມຂອງທ່ານ ຫົວໜ້າອົງການໄອຍະການປະຊາຊົນສູງສຸດ ແລະ ທ່ານຮອງລັດຖະມົນຕີ ກະຊວງກະສິກໍາ ແລະ ປ່າໄມ້. ເຂົ້າຮ່ວມກອງປະຊຸມດັ່ງກ່າວມີ ຮອງປະທານອົງການກວດກາລັດຖະບານ, ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ຜູ້ຕາງໜ້າຈາກກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ກະຊວງການເງິນ, ບັນດາຮອງເຈົ້າແຂວງ, ຫົວໜ້າຫ້ອງວ່າການປົກຄອງແຂວງ, ຫົວໜ້າກົມ, ຮອງຫົວໜ້າກົມຈາກຂະແໜງການທີ່ກ່ຽວຂ້ອງ, ຫົວໜ້າ ແລະ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ, ອົງການໄອຍະການແຂວງ, ພະແນກອຸດສາຫະກໍາ ແລະ ການຄ້າແຂວງ, ກອງຄຸ້ມຄອງພາສີປະຈໍາແຂວງ ແລະ ວິຊາການຈາກຂະແໜງການກ່ຽວຂ້ອງຂັ້ນສູນກາງ ແລະ ທ້ອງຖິ່ນ ລວມຜູ້ເຂົ້າຮ່ວມທັງໝົດ 236 ທ່ານ (ຍິງ 23 ທ່ານ).

ຈຸດປະສົງຂອງກອງປະຊຸມ: 1) ເພື່ອປຶກສາຫາລືວຽກງານການດໍາເນີນຄະດີກ່ຽວກັບຊັບພະຍາກອນປ່າໄມ້, ສັດນໍ້າ ແລະ ສັດປ່າ, ຕີລາຄາຜົນສໍາເລັດ, ດ້ານດີ, ດ້ານອ່ອນ ແລະ ມາດຕະການທີ່ຈະຕ້ອງປະຕິບັດໃນຕໍ່ໜ້າ.  2) ເຜີຍແຜ່ບາງມາດຕາ ທີ່ສໍາຄັນ ແລະ ກ່ຽວຂ້ອງຂອງກົດໝາຍປ່າໄມ້ສະບັບປັບປຸງທີ່ໄດ້ຮັບຮອງ ແລະ ປະກາດໃຊ້ຢ່າງເປັນທາງການໃນປີ 2019.

ຂຽນໂດຍ: ອຳຄາ

ກວດແກ້ໂດຍ: ທ່ານ ພູວົງ ແກ້ວປະເສີດ

ກົມກວດກາປ່າໄມ້, ວັນທີ 08 ມັງກອນ 2020

Facebook Comments

ຄະນະທີມງານ ຈາກກົມກວດກາປ່າໄມ້ ໄດ້ລົງຕິດຕາມຊຸກຍູ້ແຂວງ ຫົວພັນ ກ່ຽວກັບການຈັດຕັ້ງປະຕິບັດວຽກງານການບັງຄັບໃຊ້ກົດ ໝາຍສັດນ້ຳ ແລະ ສັດປ່າ ຂອງໂຄງການ LEN2 ຢູ່ແຂວງຫົວພັນ ໃນລະຫວ່າງວັນທີ 29 ກໍລະກົດ ຫາ 06 ສິງຫາ 2017.

      ໃນວັນທີ 31 ກໍລະກົດ 2017 ທີມງານ ຈາກກົມກວດກາປ່າໄມ້ ນຳໂດຍທ່ານ ທອງພັນ ລັດຕະນະລັງສີ ຮອງຫົວໜ້າກົມກວດກາປ່າໄມ້ ພ້ອມດ້ວຍຄະນະທີມງານ ເຂົ້າພົບ ແລະ ເຮັດວຽກນຳ ຫົວໜ້າພະແນກ ກະສິກຳ ແລະ ປ່າໄມ້ ແຂວງຫົວພັນ ກ່ຽວກັບການຈັດຕັ້ງປະຕິບັດວຽກງານການບັງຄັບໃຊ້ກົດໝາຍວ່າດ້ວຍປ່າໄມ້ ແລະ ກົດໝາຍສັດນ້ຳ ແລະ ສັດປ່າ ຂອງໂຄງການ LEN2 ແລະ ໂຄງການ CliPAD.

img_095

img_0954

        ຈາກນັ້ນ, ໃນເວລາ 10:30 ເຊົ້າ ຄະນະທີມງານ ກໍ່ໄດ້ເຂົ້າພົບ ແລະ ເຮັດວຽກຮ່ວມກັບຫ້ອງວ່າການປົກຄອງແຂວງ ແຂວງຫົວພັນ ເພື່ອລາຍງານໃຫ້ຫົວໜ້າຫ້ອງວ່າການ ຮັບຊາບກ່ຽວກັບຈຸດປະສົງທີ່ທາງຄະນະທີມງານໄດ້ລົງມາເຮັດວຽກພາຍໃນແຂວງຄັ້ງນີ້, ເວົ້າສະເພາະ ແມ່ນການຈັດຕັ້ງປະຕິບັດວຽກງານໂຄງການ CliPAD ແລະ ໂຄງການ LEN2 ໃນຄັ້ງນີ້.

img_0983

img_0986

    ໃນຕອນບ່າຍ ຂອງວັນດຽວກັນ ຄະນະທີມງານຈາກກົມກວດກາປ່າໄມ້ ໄດ້ເຂົ້າພົບ ແລະ ເຮັດວຽກນຳ ຄະນະກອງກວດກາປ່າໄມ້ແຂວງຫົວພັນ ພ້ອມນັ້ນ ກໍ່ໄດ້ຮັບຟັງການລາຍງານການຈັດຕັ້ງປະຕິບັດ ວຽກງານການບັງຄັບໃຊ້ກົດໝາຍຂອງ ສອງໂຄງການດັ່ງກ່າວ ຈາກຄະນະກອງ ເຊິ່ງບາງຕອນ ທາງຄະ ນະກອງ ແມ່ນໄດ້ຍົກໃຫ້ເຫັນເຖິງຜົນງານ ດ້ານດີ-ດ້ານອ່ອນ ຂອງການຈັດຕັ້ງປະຕິບັດວຽກງານໂຄງ ການ ດັ່ງລາຍລະອຽດລຸ່ມນີ້:

  • ດ້ານດີ: ພາຍຫຼັງທີ່ໄດ້ຮັບທຶນສະໜັບສະໜູນຈາກ 2 ໂຄງການດັ່ງກ່າວ ເຮັດໃຫ້ສະພາບຊັບພະ ຍາກອນປ່າໄມ້ຂອງບັນດາບ້ານຈຸດສຸມຂອງໂຄງການ ມີຄວາມອຸດົມສົມບູນຂຶ້ນ ແລະ ການຈັດຕັ້ງປະ ຕິບັດວຽກງານຂອງເຈົ້າໜ້າທີ່ປ່າໄມ້ແຂວງ ແມ່ນໄດ້ຮັບໝາກຜົນ ແລະ ມີປະສິດທິພາບສູງຂຶ້ນ. ນອກຈາກນັ້ນ ໂຄງການ CliPAD ຍັງໄດ້ໃຫ້ທຶນຊ່ວຍເຫຼືອໃນການກໍ່ສ້າງຫ້ອງການ ກອງກວດກາປ່າໄມ້ປະຈຳແຂວງຫົວພັນຕື່ມອີກ.
  • ດ້ານອ່ອນ: ຍັງມີປະຊາຊົນບາງຈຳນວນ ຍັງບໍ່ທັນເອົາໃຈໃສ່ ແລະ ໃຫ້ຄວາມຮ່ວມມືຢ່າງເຕັມສ່ວນກັບ 2 ໂຄງການດັ່ງກ່າວ.

     ຫຼັງຈາກນັ້ນ, ທາງຄະນະທີມງານ ໄດ້ໃຫ້ທິດຊີ້ນຳແກ່ກອງກວດກາປ່າໄມ້ແຂວງຫົວພັນ ເພື່ອເພີ່ມທະວີ ແລະ ເອົາໃຈໃສ່ໃນການຄຸ້ມຄອງຈັດຕັ້ງປະຕິບັດວຽກງານຂອງ ສອງໂຄງການດັ່ງກ່າວ ໃຫ້ເປັນຮູບປະທຳຕື່ມອີກ ພ້ອມດຽວກັນນັ້ນ ກໍ່ເພື່ອແນໃສ່ ການນຳໃຊ້ທຶນຊ່ວຍເຫຼືອໃຫ້ໄດ້ຮັບປະສິດທິຜົນ ແລະ ເກີດປະໂຫຍດສູງສຸດ.

1

2

picture1

_mg_1024

   ຈາກນັ້ນ, ໃນຄັ້ງວັນທີ 01 ສິງຫາ 2017 ຄະນະຊຸກຍູ້ ໄດ້ລົງຊຸກຍູ້ ແລະ ເຮັດວຽກນຳຫ້ອງການກະສິກຳປ່າໄມ້ ເມືອງຊຳເໜືອ ແຂວງຫົວພັນ ເຊິ່ງເປັນເມືອງເປົ້າໝາຍຂອງ ສອງໂຄງການຄື: ໂຄງ ການ LEN2 ແລະ ໂຄງການ CliPAD. ເຊິ່ງສອງໂຄງການດັ່ງກ່າວ ແມ່ນໄດ້ໃຫ້ທຶນຊ່ວຍເຫຼືອໃນການຈັດຕັ້ງປະຕິບັດກິດຈະກຳ ຕາມແຜນວຽກຂອງໂຄງການໃນບ້ານເປົ້າໝາຍ ນອກນັ້ນ, ໂຄງການ CliPAD ຍັງໄດ້ໃຫ້ທຶນຊ່ວຍເຫຼືອໃນການປັບປຸງຫ້ອງການກະສິກຳປ່າໄມ້ ເມືອງຊຳເໜືອອີກຈຳນວນໜຶ່ງ.

img_1069

3

_mg_1037

_mg_10371

    ໃນຄັ້ງວັນທີ 02 ສິງຫາ 2017 ຄະນະທີມງານ ໄດ້ສືບຕໍ່ ລົງຊຸກຍູ້ ແລະ ເຮັດວຽກນຳຫ້ອງການກະສິກຳປ່າໄມ້ ເມືອງຫົວເມືອງ ແຂວງຫົວພັນ ເຊິ່ງເປັນເມືອງໜຶ່ງທີ່ນອນໃນເປົ້າໝາຍຂອງໂຄງການ CliPAD, ໃນໄລຍະຜ່ານມາ ທາງໂຄງການກໍ່ໄດ້ໃຫ້ທຶນຊ່ວຍເຫຼືອໃນຫຼາຍດ້ານເຊັ່ນ: ດ້ານການປະຕິບັດກິດຈະກຳການປົກປັກຮັກສາຊັບພະຍາກອນປ່າໄມ້ ແລະ ການຕ້ານການຄ້າຂາຍສັດນ້ຳ ແລະ ສັດປ່າ, ໃຫ້ທຶນຊ່ວຍເຫຼືອໃນການປັບປຸງ ແລະ ຕໍ່ເຕີມຫ້ອງການກະສິກຳ ແລະ ປ່າໄມ້ເມືອງຫົວເມືອງ.

_mg_1119

_mg_1132

    ໃນຄັ້ງວັນທີ 04 ສິງຫາ 2017 ຄະນະທີມງານ ຈາກກົມກວດກາປ່າໄມ້ ນຳໂດຍ ທ່ານ ທອງພັນ ລັດຕະນະລັງສີ ຮອງຫົວໜ້າ ກົມກວດກາປ່າໄມ້ ໄດ້ເຂົ້າຮ່ວມກອງປະຊຸມ ສະຫຼຸບວຽກງານປະຈຳປີ ກ່ຽວກັບການປົກປັກຮັກສາປ່າໄມ້, ປ້ອງກັນ ແລະ ດັບມອດໄຟໄໝ້ລາມປ່າ ຢູ່ຂອບເຂດຊາຍແດນ 2 ແຂວງ ລະຫວ່າງ ພະແນກກະສິກຳ ແລະ ປ່າໄມ້ ແຂວງຫົວພັນ (ກອງກວດກາປ່າໄມ້ ແຂວງຫົວພັນ) ແລະ ພະແນກກະສິກຳ ແລະ ພັດທະນາຊົນນະບົດ ແຂວງແທັງຮ່ວາ (ກອງປ້ອງກັນປ່າໄມ້ ແຂວງແທັງຮ່ວາ ສສ ຫວຽດນາມ). ເຊິ່ງກອງປະຊຸມສັນຍາຮ່ວມມືດັ່ງກ່າວ ແມ່ນໄດ້ລິເລີ່ມມາແຕ່ປີ 2009, ໃນແຕ່ລະປີ ແມ່ນໄດ້ຜັດປ່ຽນກັນເປັນເຈົ້າພາບ ປີລະ 1 ຄັ້ງ ແລະ ພ້ອມກັນສະຫຼຸບຕີລາຄາ ການຈັດຕັ້ງປະຕິບັດວຽກງານກວດກາປ່າໄມ້ ແລະ ສະກັດກັ້ນໄຟໄໝ້ລາມປ່າ ພ້ອມດຽວກັນນັ້ນ ກໍ່ໄດ້ຮ່ວມກັນວາງແຜນໃນໜຶ່ງປີຕໍ່ໜ້າ.

_mg_1163

_mg_1157

ຂຽນໂດຍ: ກອນລະສັກ ພົນລະວົງ

ກວດແກ້ໂດຍ: ທ່ານ ອຸ່ນ ອິນທິສານ

ກົມກວດກາປ່າໄມ້, ວັນທີ 17 ສິງຫາ 2017

Facebook Comments

ເຈົ້າໜ້າທີ່ກອງກວດກາປ່າໄມ້ປະຈຳແຂວງ ສົມທົບກັບ ເຈົ້າໜ້າທີ່ ປກສ ແຂວງ ແລະ ເຈົ້າໜ້າທີ່ພາສີແຂວງ ແຂວງຈຳປາສັກ ລົງກວດກາການລັກລອບເຄື່ອນຍ້າຍໄມ້ ຕາມສາຍທາງ, ຢູ່ເຂດບ້ານຫຼັກ 14 ເມືອງບາຈຽງຈະເລີນສຸກ ແຂວງຈຳປາສັກ ໃນຄັ້ງວັນທີ 1 ກໍລະກົດ 2017.

ຈາກການພົບເຫັນຂອງເຈົ້າໜ້າທີ່ປ່າໄມ້ແຂວງ ມີລົດຕູ້ຄອນເທັນເນີ້ ສີແດງ ໝາຍເລກທະບຽນ 43R-00146 ດາໜັງ ບັນທຸກໄມ້ ແລະ ຢາງພາລາແຫ້ງອັດແໜ້ນ, ພົບເຫັນ ເອກະສານນຳໃຊ້ລົດ ແລະ ບັດປະຈຳຕົວໝົດກຳນົດ, ພົບເງິນຫວຽດນາມ ຈຳນວນ 514,000 ດົ້ງ ແລະ ເງິນກີບ ຈຳນວນ 500,000 ກີບ, ສ່ວນຄົນຂັບລົດແມ່ນເອົາຕົວຫຼົບໜີທັນ.

          ຈາກການກວດກາຂອງກາງພົບເຫັນ ຢາງພາລາອັດແໜ້ນ (ກ້ອນ) ຈຳນວນ 4,663 kg, ໄມ້ດູ່ຕັບ+ໄມ້ສາມສາ ຈຳນວນ 141 ຕັບ ມີບໍລິມາດ 13,667 m3, ໄມ້ດູ່+ໄມ້ປະດົງແປຮູບ ຈຳນວນ 542 ເສັ້ນ/ແຜ່ນ ມີບໍລິມາດ4,969 m3, ໄມ້ຂະຍຸງກິໂລ ຈຳນວນ 367 ທ່ອນສັ້ນ ມີນ້ຳໜັກ 4,666 kg ແລະ ໄມ້ລູກສ່ຽນ 1 ຄູ່ ເຊິ່ງຂອງກາງທັງໝົດນີ້ແມ່ນບໍ່ມີເອກະສານ ສະນັ້ນ ເຈົ້່າໜ້າທີ່ຈຶ່ງໄດ້ຢຶດໄວ້ເປັນຂອງລັດ ແລະ ເກັບຮັກສາໄວ້ທີ່ກອງກວດກາປ່າໄມ້ແຂວງຈຳປາສັກ.

2

1

3

5

4

6

Continue reading

Facebook Comments

ເຈົ້າໜ້າທີ່ກົມກວດກາປ່າໄມ້ ໄດ້ເຂົ້າຮ່ວມຊຸດຝຶກອົບຮົມສຳມະນາ ກ່ຽວກັບ ເຕັກໂນໂລຢີກະສິກຳທັນສະໄໝ ໃນລະ ຫວ່າງວັນທີ 06-26 ມິຖຸນາ 2017 ທີ່ ແຂວງ ກວາງຊີ ປະເທດ ສປ ຈີນ.

1

ໃນລະຫວ່າງວັນທີ 06-26 ມິຖຸນາ 2017 ເຈົ້າໜ້າທີ່ກົມກວດກາປ່າໄມ້ 2 ທ່ານ ໄດ້ເຂົ້າຮ່ວມຊຸດຝຶກອົບຮົມສຳມະນາ ກ່ຽວກັບ ເຕັກໂນໂລຢີ ກະສິກຳທັນສະໄໝ ທີ່ແຂວງກວາງຊີ, ສປ ຈີນ. ເຊິ່ງໃນນັ້ນ ໄດ້ມີການສຳມະນາ ຈາກບັນດາຄູອາຈານລະດັບ ດຣ, ສຈ ແລະ ຮສຈ ທີ່ຜັດປ່ຽນກັນຂຶ້ນມາບັນລະຍາຍ ໃນແຕ່ລະວັນ ກ່ຽວກັບການນຳໃຊ້ ເຕັກໂນໂລຢີ ເຂົ້າໃນການປູກພືດກະສິກຳ ກໍຄື ເຕັກໂນໂລຢີ ກະສິກຳທັນສະໄໝ ໂດຍການຈັດເປັນແຕ່ລະສາຂາວິຊາ ພ້ອມທັງລົງທ່ຽວຊົມສວນປູກທົດລອງປະຈຳແຕ່ລະວິຊາ ແລ້ວຍັງມີການສົນທະນາແລກປ່ຽນຄວາມຄິດເຫັນຂອງຜູ້ເຂົ້າຮ່ວມຕໍ່ກັບຜູ້ບັນຍາຍ ທັງພາກບັນຍາຍ ແລະ ພາກລົງຕົວຈິງຂອງຜູ້ປະກອບການດ້ານກະສິກຳ.

          ເຊິ່ງທັງໝົດນີ້ ເຫັນໄດ້ວ່າ ປະເທດ ສປ ຈີນ ເປັນປະເທດ ທີ່ລ້ຳຍຸກລ້ຳສະໄໝ ກ່ຽວກັບການພັດທະນາການປູກພືດກະສິກຳ ທັນສະໄໝ ແລະ ສະດວກວ່ອງໄວ, ປະຢັດເວລາ, ປະຢັດແຮງງານ, ແຕ່ຄ່າໃຊ້ຈ່າຍ ຫຼື ຕົ້ນທຶນໃນເບື້ອງຕົ້ນແມ່ນຂ້ອນຂ້າງສູງ, ແຕ່ຖ້າສົມທຽບໃສ່ຜົນໄດ້ຮັບທີ່ໄດ້ມາ ແມ່ນເຫັນວ່າ ຄຸ້ມຄ່າຫຼາຍ (ມີກຳໄລ).

2

3

4

5

6

ຂຽນໂດຍ: ກອນລະສັກ ພົນລະວົງ

ກວດແກ້ໂດຍ: ທ່ານ ອຸ່ນ ອິນທິສານ

ກົມກວດກາປ່າໄມ້, ວັນທີ 11 ກໍລະກົດ 2017

ກະທູ້ລ່າສຸດ

ຄວາມຄິດເຫັນລ່າສຸດ

    ເພີ່ມເຕີມ