| Day | Cond. | Temp. |
|---|---|---|
| sun 12/22 | |
24/17°C |
| mon 12/23 | |
26/17°C |
| tue 12/24 | |
27/20°C |
| wed 12/25 | |
29/21°C |
| thu 12/26 | |
31/23°C |
| Day | Cond. | Temp. |
|---|---|---|
| sun 12/22 | |
24/17°C |
| mon 12/23 | |
26/17°C |
| tue 12/24 | |
27/20°C |
| wed 12/25 | |
29/21°C |
| thu 12/26 | |
31/23°C |
ເຈົ້າໜ້າທີ່ກົມກວດກາປ່າໄມ້ ໄດ້ເຂົ້າຮ່ວມຊຸດຝຶກອົບຮົມສຳມະນາ ກ່ຽວກັບ ເຕັກໂນໂລຢີກະສິກຳທັນສະໄໝ ໃນລະ ຫວ່າງວັນທີ 06-26 ມິຖຸນາ 2017 ທີ່ ແຂວງ ກວາງຊີ ປະເທດ ສປ ຈີນ.
ໃນລະຫວ່າງວັນທີ 06-26 ມິຖຸນາ 2017 ເຈົ້າໜ້າທີ່ກົມກວດກາປ່າໄມ້ 2 ທ່ານ ໄດ້ເຂົ້າຮ່ວມຊຸດຝຶກອົບຮົມສຳມະນາ ກ່ຽວກັບ ເຕັກໂນໂລຢີ ກະສິກຳທັນສະໄໝ ທີ່ແຂວງກວາງຊີ, ສປ ຈີນ. ເຊິ່ງໃນນັ້ນ ໄດ້ມີການສຳມະນາ ຈາກບັນດາຄູອາຈານລະດັບ ດຣ, ສຈ ແລະ ຮສຈ ທີ່ຜັດປ່ຽນກັນຂຶ້ນມາບັນລະຍາຍ ໃນແຕ່ລະວັນ ກ່ຽວກັບການນຳໃຊ້ ເຕັກໂນໂລຢີ ເຂົ້າໃນການປູກພືດກະສິກຳ ກໍຄື ເຕັກໂນໂລຢີ ກະສິກຳທັນສະໄໝ ໂດຍການຈັດເປັນແຕ່ລະສາຂາວິຊາ ພ້ອມທັງລົງທ່ຽວຊົມສວນປູກທົດລອງປະຈຳແຕ່ລະວິຊາ ແລ້ວຍັງມີການສົນທະນາແລກປ່ຽນຄວາມຄິດເຫັນຂອງຜູ້ເຂົ້າຮ່ວມຕໍ່ກັບຜູ້ບັນຍາຍ ທັງພາກບັນຍາຍ ແລະ ພາກລົງຕົວຈິງຂອງຜູ້ປະກອບການດ້ານກະສິກຳ.
ເຊິ່ງທັງໝົດນີ້ ເຫັນໄດ້ວ່າ ປະເທດ ສປ ຈີນ ເປັນປະເທດ ທີ່ລ້ຳຍຸກລ້ຳສະໄໝ ກ່ຽວກັບການພັດທະນາການປູກພືດກະສິກຳ ທັນສະໄໝ ແລະ ສະດວກວ່ອງໄວ, ປະຢັດເວລາ, ປະຢັດແຮງງານ, ແຕ່ຄ່າໃຊ້ຈ່າຍ ຫຼື ຕົ້ນທຶນໃນເບື້ອງຕົ້ນແມ່ນຂ້ອນຂ້າງສູງ, ແຕ່ຖ້າສົມທຽບໃສ່ຜົນໄດ້ຮັບທີ່ໄດ້ມາ ແມ່ນເຫັນວ່າ ຄຸ້ມຄ່າຫຼາຍ (ມີກຳໄລ).
ຂຽນໂດຍ: ກອນລະສັກ ພົນລະວົງ
ກວດແກ້ໂດຍ: ທ່ານ ອຸ່ນ ອິນທິສານ
ກົມກວດກາປ່າໄມ້, ວັນທີ 11 ກໍລະກົດ 2017
ກົມກວດກາປ່າໄມ້ໄດ້ລົງກວດກາປະເມີນຜົນ ສະພາບການປົກຫຸ້ມຂອງເຮືອນຍອດ, ການເຊື່ອມໂຊມຂອງປ່າໄມ້ຢູ່ໃນ 2 ແຂວງພາກກາງ ແລະ ພາກໃຕ້ ຄື: ແຂວງຄຳມ່ວນ ແລະ ແຂວງອັດຕະປື ໂດຍການນຳໃຊ້ ໂປຣແກຼມ Avenza Map ແລະ ການລາຍງານຜ່ານ ໂປຣແກຼມ ODK Collect ໃນລະບົບ Smartphone.
ເຈົ້າໜ້າທີ່ລົງກວດກາປະເມີນຜົນສະພາບການປົກຫຸ້ມຂອງເຮືອນຍອດ, ການເຊື່ອມໂຊມຂອງປ່າໄມ້ ຢູ່ໃນ 2 ແຂວງພາກກາງ ແລະ ພາກໃຕ້ ຄື: ແຂວງຄຳມ່ວນ ແລະ ແຂວງອັດຕະປື, ເຊິ່ງໃນນັ້ນ ໄດ້ແບ່ງອອກເປັນ 2 ທີມ, ໃນນັ້ນມີພະນັກງານຈາກກອງກວດກາປ່າໄມ້ປະຈຳແຂວງ 2 ທ່ານ, ກອງສຳຫຼວດ ແລະ ວາງແຜນປ່າໄມ້ 3 ທ່ານ, ໜ່ວຍງານກວດກາປ່າໄມ້ເມືອງ 2 ທ່ານ, ອົງການຈັດຕັ້ງຂັ້ນບ້ານ 4 ທ່ານ ແລະ ເຈົ້າໜ້າທີ່ຈາກກົມກວດກາປ່າໄມ້ 5 ທ່ານ. ການຈັດຕັ້ງປະຕິບັດວຽກງານໃນຄັ້ງນີ້ ໂດຍໄດ້ຮັບການສະໜັບສະໜູນທຶນ ຈາກໂຄງການ SUFORD-SU, ເຊິ່ງໄລຍະເວລາໃນການຈັດຕັ້ງປະຕິບັດແມ່ນ: ທີມຄຳມ່ວນ ແມ່ນນັບແຕ່ວັນທີ 7-13 ພຶດສະພາ 2017 ແລະ ທີມອັດຕະປື ນັບແຕ່ວັນທີ 3-13 ພຶດສະພາ 2017.
ກົມກວດກາປ່າໄມ້ ລົງຕິດຕາມກວດກາ ແລະ ຊຸກຍູ້ຊີ້ນຳວຽກງານກ່ຽວກັບການນຳໃຊ້ ແລະ ການຄຸ້ມຄອງຖານຂໍ້ມູນ Google Drive ແລະ ການນຳໃຊ້ໂທລະສັບ Smart Phone ໃຫ້ແກ່ເຈົ້າໜ້າທີ່ປ່າໄມ້ກອງກວດກາປ່າໄມ້ 4 ແຂວງພາກໃຕ້ ໃນລະຫວ່າງວັນທີ 11-19 ມີນາ 2017
ທີມງານ IMS ກົມກວດກາປ່າໄມ້ ໄດ້ລົງຊຸກຍູ້ ແລະ ຕິດຕາມກ່ຽວກັບວຽກງານການນຳໃຊ້ ແລະ ການຄຸ້ມຄອງຖານຂໍ້ມູນກ່ຽວກັບວຽກງານກວດກາປ່າໄມ້, ວຽກງານສືບສວນ-ສອບສວນ ແລະ ວຽກງານກວດກາລາດຕະເວນ ໂດຍການນຳໃຊ້ໂທລະສັບ Smart Phone ແລະ Google Drive ໃຫ້ແກ່ເຈົ້າໜ້າທີ່ປ່າໄມ້ປະຈຳກອງກວດກາປ່າໄມ້ 4 ແຂວງພາກໃຕ້ເຊັ່ນ: ແຂວງຈຳປາສັກ, ແຂວງອັດຕະປື, ແຂວງເຊກອງ ແລະ ແຂວງສາລະວັນ. ໃນນັ້ນ, ໄດ້ສຳເລັດໄປແລ້ວ 2 ແຂວງຄື: ແຂວງຈຳປາສັກ ແລະ ແຂວງອັດຕະປື, ຜ່ານການຕິດຕາມ ເຫັນວ່າ: 2 ແຂວງ ແມ່ນສາມາດນຳໃຊ້ລະບົບດັ່ງກ່າວ ເຂົ້າໃນວຽກງານວິຊາສະເພາະໄດ້ເປັນຢ່າງດີ.
ເປີດຊຸດຝຶກອົບຮົມ ການສືບສວນ-ສອບສວນ, ການດຳເນີນຄະດີອາຍາກ່ຽວກັບຊັບພະຍາກອນປ່າໄມ້ ແລະ ວິທີການຈຳແນກສິ້ນສ່ວນ ງາຊ້າງ ໃຫ້ແກ່ເຈົ້າໜ້າທີ່ປ່າໄມ້ ແລະ ທີມງານເຄື່ອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະສັດປ່າ ສ ປ ປ ລາວ ຄັ້ງທີ່ I, ໃນລະຫວ່າງວັນທີ 20-24 ກຸມພາ 2017, ທີ່ແຂວງວຽງຈັນ.
ໃນຕອນເຊົ້າຂອງວັນທີ 20 ກຸມພາ 2017 ກົມກວດກາປ່າໄມ້ ໄດ້ເປີດການຝຶກອົບຮົມ ການສືບສວນ-ສອບສວນ, ການດຳເນີນຄະດີອາຍາກ່ຽວກັບຊັບພະຍາກອນປ່າໄມ້ ແລະ ວິທີການຈຳແນກສິ້ນສ່ວນ ງາຊ້າງ ໃຫ້ແກ່ເຈົ້າໜ້າທີ່ປ່າໄມ້ ແລະ ທີມງານເຄື່ອຂ່າຍບັງຄັບໃຊ້ກົດໝາຍ ວ່າດ້ວຍສັດນ້ຳ ແລະສັດປ່າ ສ ປ ປ ລາວ ຄັ້ງທີ່ I, ໂດຍໃຫ້ກຽດກ່າວເປີດຂອງທ່ານ ຄຳພຸດ ພັນດານຸວົງ ຫົວໜ້າກົມກວດກາປ່າໄມ້, ໃນນາມປະທານ Lao-WEN. ການຝຶກອົບຮົມໃນຄັ້ງນີ້ ມີຜູ້ເຂົ້າຮ່ວມຈາກຫຼາຍພາກສ່ວນເຊັ່ນ: ເຈົ້າໜ້າທີ່ປ່າໄມ້ ຈາກກົມກວດກາປ່າໄມ້ ແລະ ກອງກວດກາປ່າໄມ້ ນະຄອນຫຼວງ ແລະ ແຂວງວຽງຈັນ, ທີມງານ Lao-WEN ແລະ ເຈົ້າໜ້າທີ່ຈາກ ກົມພາສີນຳເຂົ້າ ແລະ ສົ່ງອອກ, ລວມຜູ້ເຂົ້າຮ່ວມທັງໝົດ ມີ 53 ທ່ານ.
Continue reading
ກອງປະຊຸມຝຶກອົບຮົມການຄຸ້ມຄອງຂໍ້ມູນ Google Drive ແລະ ການລາຍງານຂໍ້ມູນຜ່ານ Smart Phone
ໃນປີທີ່ຜ່ານມາ ຂອງວັນທີ 08 ພະຈິກ ຫາ 15 ທັນວາ 2016 ກົມກວດກາປ່າໄມ້ ໄດ້ຖືເປັນກຽດ ຈັດກອງປະຊຸມຝຶກອົບຮົມການຄຸ້ມຄອງຂໍ້ມູນ Google Drive ແລະ ການລາຍງານຂໍ້ມູນຜ່ານ Smart Phone ໃຫ້ແກ່ເຈົ້າໜ້າທີ່ປ່າໄມ້ປະຈຳແຕ່ລະແຂວງ, 18 ແຂວງທົ່ວປະເທດ, ໂດຍການເປັນປະທານເປີດກອງປະຊຸມຂອງ ທ່ານ ລິນທອງ ດວງພະຈັນ ຮອງຫົວໜ້າ ກົມກວດກາປ່າໄມ້. ເຊິ່ງການຝຶກອົບຮົມໃນຄັ້ງນີ້ ແມ່ນທີມງານຈາກ ພະແນກສືບສວນ-ສອບສວນ ກົມກວດກາປ່າໄມ້ ແລະ ມີຊ່ຽວຊານທີ່ປຶກສາການບັງຄັບໃຊ້ກົດໝາຍປະຈຳກົມ 1 ທ່ານ ເປັນຜູ້ຊ່ວຍຄື Mr Aidanໄດ້ເປັນຄູຝຶກໃຫ້ແກ່ເຈົ້າໜ້າທີ່ກອງກວດກາປ່າໄມ້ປະຈຳແຂວງ ພ້ອມທັງ ມີຊ່ຽວຊານ IT ຈາກໂຄງການ (SUFORD-SU) 02 ທ່ານ ມາເປັນຜູ້ຊ່ວຍຄື: Mr Lauri ແລະ Mr Jussi. ທັງນີ້ ກໍ່ເພື່ອສ້າງຄວາມເຂັ້ມ ແຂງໃຫ້ແກ່ເຈົ້າໜ້າທີ່ປ່າໄມ້ປະຈຳແຕ່ລະແຂວງ ເພື່ອໃຫ້ທັນກັບສະພາບ, ທັນຍຸກທັນສະໄໝ, ວ່ອງໄວ ແລະ ປະຢັດເວລາ.
ກົມກວດດກາປ່າໄມ້ມອບອຸປະກອນ IT ໃຫ້ບັນດາກອງກວດກາປ່າໄມ້ປະຈຳແຕ່ລະແຂວງ
ກົມກວດກາປ່າໄມ້ ແລະ ຜູ້ປະສານງານໂຄງການ ຄຸ້ມຄອງປ່າໄມ້ແບບຍືນນານ (SUFORD-SU, STEPP DOFI) ໄດ້ລົງມອບອຸປະກອນ IT ໃຫ້ບັນດາກອງກວດກາປ່າໄມ້ປະຈຳແຕ່ລະແຂວງ ໃນຄັ້ງວັນທີ 9-16/01/2017 ໂດຍການມອບຈາກ ທ່ານ ຄຳພຸດ ພັນດານຸວົງ ຫົວໜ້າກົມກວດກາປ່າໄມ້, ເຊິ່ງອຸປະ ກອນດັ່ງກ່າວນັ້ນ ແມ່ນມອບເພື່ອຮັບໃຊ້ເຂົ້າໃນວຽກງານກວດກາປ່າໄມ້ ໂດຍສະເພາະແມ່ນ ວຽກງານກ່ຽວກັບການລາຍງານ, ການຕິດຕາມກວດກາລາດຕະ ເວນ, ການສົ່ງບົດລາຍງານ ແລະ ບົດສະຫຼຸບຕ່າງໆ ຂອງກອງກວດກາປ່າໄມ້ປະຈຳແຕ່ລະແຂວງ.
