ໃນຄັ້ງວັນທີ 15 ມັງກອນ 2016 ເວລາ 09:00 ໂມງ, ກອງປະຊຸມພິທີເປີດເວບໄຊ໌ຂອງກົມກວດກາປ່າໄມ້ ກໍ່ໄດ້ເລີ່ມຂຶ້ນຢ່າງເປັນທາງການ ໂດຍການເປັນປະທານຂອງທ່ານ ທອງພັນ ລັດຕະນະລັງສີ ຮອງຫົວໜ້າກົມກວດກາປ່າໄມ້ ແລະ ຫົວໜ້າພະແນກ, ຄະນະພະແນກ ແລະ ເຈົ້າໜ້າທີ່ປ່າໄມ້ທຸກທ່ານ ເຂົ້າຮ່ວມ, ນອກນັ້ນ ຍັງມີ ຫົວໜ້າໜ່ວຍງານ ICT ປະຈຳສະຖາບັນຄົ້ນຄົ້ວກະສິກຳ ແລະ ປ່າໄມ້ແຫ່ງຊາດ ເຂົ້າຮ່ວມ 2 ທ່ານ ແລະ ຫົວໜ້າກອງເລຂາ ວຽກງານ ICT ຂອງກະຊວງກະສິກຳ ແລະ ປ່າໄມ້ 1 ທ່ານ ແລະ ເຈົ້າໜ້າທີ່ປ່າໄມ້ 12 ທ່ານ.
ພິທີໄດ້ດຳເນີນໄປໃນທ່າມກາງບັນຍາກາດອັນອົບອຸ່ນ ແລະ ໄດ້ມີການແລກປ່ຽນຄຳຄິດຄຳເຫັນຈາກຄະນະຊີ້ນຳ, ຄະນະພະແນກ ແລະ ເຈົ້າໜ້າທີ່ປ່າໄມ້ ພ້ອມນັ້ນ ຫົວໜ້າກອງເລຂາ ICT ປະຈຳກະຊວງ ຍັງໄດ້ໃຫ້ຄຳແນະນຳໃນການປະຕິວບັດວຽກງານ ICT ໃນການແບ່ງໜ້າທີ່ຮັບຜິດຊອບ, ວາງລະບຽບການຄຸ້ມຄອງ ແລະ ນຳໃຊ້ລະບົບເວບໄຊ໌ ແລະ ອິນເຕີເນັດໃຫ້ເຂັ້ມງວດ.
ຈາກນັ້ນ ເວລາ 11:00 ໂມງ ທ່ານ ທອງພັນ ລັດຕະນະລັງສີ ຮອງຫົວໜ້າກົມກວດກາປ່າໄມ້ ກໍ່ໄດ້ໃຫ້ທິດທາງ ແລະ ຊີ້ນຳນຳພາໃນການຈັດຕັ້ງປະຕິບັດວຽກງານ ICT ໃຫ້ມີປະສິດທິພາບ ແລະ ເກີດປະສິດທິຜົນ ພ້ອມທັງກ່າວເປີດນຳໃຊ້ເວບໄຊ໌ ຢ່າງເປັນທາງການ ແລະ ກອງປະຊຸມໄດ້ປິດລົງ ໃນເວລາ 11:30 ເປັນຕົ້ນໄປ.
