About DOFI
I. ຄວາມເປັນມາກ່ຽວກັບກົມກວດກາປ່າໄມ້
ກົມກວດກາປ່າໄມ້ ໄດ້ສ້າງຕັ້ງຂຶ້ນໃນວັນທີ 5 ມີນາ 2008 ໂດຍອີງຕາມຂໍ້ຕົກລົງຂອງກະຊວງກະສິກຳ ແລະ ປ່າໄມ້ ເລກທີ 0340/ກປ. ກົມກວດກາປ່າໄມ້ ຂຽນເປັນຕົວຫຍໍ້ວ່າ “ກກປມ” ແມ່ນອົງການຈັດຕັ້ງໜຶ່ງສັງກັດຢູ່ໃນກົງຈັກການຈັດຕັ້ງຂອງກະຊວງກະສິກຳ ແລະ ປ່າໄມ້, ທີ່ຕັ້ງ ແລະ ພາລະບົດບາດຂອງກົມກວດກາປ່າໄມ້ ເປັນເສນາທິການໂດຍກົງ ໃຫ້ແກ່ລັດຖະມົນຕີກ່ຽວກັບວຽກງານກວດກາຊັບພະຍາກອນປ່າໄມ້, ສືບສວນ-ສອບສວນ ແລະ ດຳເນີນຄະດີ ຕໍ່ຜູ້ລະເມີດກົດໝາຍວ່າດ້ວຍປ່າໄມ້, ກົດໝາຍວ່າດ້ວຍສັດນ້ຳ ແລະ ສັດປ່າ, ກົດໝາຍອາຍາ ແລະ ບັນດານິຕິກຳກ່ຽວກັບຊັບພະຍາກອນປ່າໄມ້ ເພື່ອຮັບປະກັນໃຫ້ການປະຕິບັດກົດໝາຍມີຄວາມສັກສິດ.
II. ທີ່ຕັ້ງ ແລະ ພາລະບົດບາດຂອງກົມກວດກາປ່າໄມ້
ກົມກວດກາປ່າໄມ້ແມ່ນອົງການຈັດຕັ້ງໜຶ່ງທີ່ສັງກັດຢູ່ໃນກົງຈັກການຈັດຕັ້ງຂອງກະຊວງກະສິກຳ ແລະ ປ່າໄມ້, ມີບົດບາດໜ້າທີ່ເປັນເສນາທິການໂດຍກົງໃຫ້ແກ່ລັດຖະມົນຕີກ່ຽວກັບວຽກງານກວດກາ, ສືບສວນ-ສອບສວນ, ດຳເນີນຄະດີ ແລະ ການປະຕິບັດກົດໝາຍ ວ່າດວ້ຍປ່າໄມ້, ກົດໝາຍ ວ່າດວ້ຍສັດນ້ຳ ແລະ ສັດປ່າ ແລະ ນິຕິກຳອື່ນໆກ່ຽວກັບຊັບພະຍາກອນປ່າໄມ້ໃຫ້ມີຜົນສັກສິດໃນຂອບເຂດທົ່ວປະເທດ, ໂດຍແນໃສ່ເພື່ອປົກປັກຮັກສາຊັບພະຍາກອນປ່າໄມ້, ທີ່ດີນປ່າໄມ້, ສັດນ້ຳ ແລະ ສັດປ່າ ໃຫ້ມີຄວາມຍືນຍົງຄົງຕົວ ແລະ ມີຄວາມອຸດົມສົມບູນ ຕະຫຼອດໄປ, ການຈັດຕັ້ງປະຕິບັດວຽກງານຕົວຈິງຂອງເຈົ້າໜ້າທີ່ປ່າໄມ້ໃນ 1 ປີ ທີ່ຜ່ານມາ ໄດ້ເຮັດໃຫ້ສະພາບການລັກລອບທຳລາຍຊັບພະຍາກອນປ່າໄມ້ຢູ່ໃນຫຼາຍທ້ອງຖິ່ນ ໄດ້ຫຼຸດລົງຢ່າງຕໍ່ເນື່ອງ ແລະ ມີຄວາມສະຫງົບ, ມີຄວາມເປັນລະບຽບຮຽບຮ້ອຍດີຂື້ນເທື່ອລະກ້າວ, ກົດໝາຍໄດ້ຖືກບັງຄັບໃຊ້ຢ່າງເຂັ້ມງວດ ແລະ ມີຜົນສັກສິດໃນຂອບເຂດທົ່ວປະເທດ, ປະຊາຊົນ, ພໍ່ຄ້າ, ນັກທຸລະກິດ, ພະນັກງານ, ທະຫານ ແລະ ເຈົ້າໜ້າທີ່ ທຸກພາກສ່ວນໄດ້ເຊື່ອມຊຶມລະບຽບກົດໝາຍ ແລະ ນິຕິກຳຕ່າງໆ ກ່ຽວກັບການປົກປັກຮັກສາຊັບພະຍາກອນປ່າໄມ້.
III. ໂຄງປະກອບການຈັດຕັ້ງ
ກົງຈັກການຈັດຕັ້ງຂອງ ກົມກວດກາປ່າໄມ້ ປະກອບມີ 6 ພະແນກຄື:
2). ພະແນກ ແຜນການ ແລະ ການຮ່ວມມື.
3). ພະແນກ ກວດກາປ່າໄມ້ ແລະ ຊັບພະຍາກອນປ່າໄມ້.
4). ພະແນກ ກວດກາສັດນໍ້າ ແລະ ສັດປ່າ.
5). ພະແນກ ສືບສວນ-ສອບສວນ.
ນອກຈາກນີ້ ຍັງມີກອງກວດກາປ່າໄມ້ ປະຈຳແຂວງ ແລະ ນະຄອນຫຼວງ, ໜ່ວຍງານກວດກາປ່າໄມ້ເມືອງ, ຈຸງານກວດກາປ່າໄມ້ບ້ານ ແລະ ດ່ານກວດກາຊັບພະຍາກອນປ່າໄມ້ ທີ່ເປັນສາຍຕັ້ງທາງດ້ານວິຊາການຂອງຕົນຢູ່ຂັ້ນທ້ອງຖິ່ນ.
